Header Ads

မိုင်းယုမြို့နယ် ကော်ဆမ်မိန်းရွာမှ ငှက်ပျောခြံလုပ်သားနှစ်ဦး အရက်သောက်ရင်း ဓါးခုတ်မှုဖြစ်ပွား

7:18 AM
မိုင်းယုမြို့နယ် ကော်ဆမ်မိန်းရွာမှ ငှက်ပျောခြံလုပ်သားနှစ်ဦး အရက်သောက်ရင်း ဓါးခုတ်မှုဖြစ်ပွား

အောက်တိုဘာ ၂၁

ရှမ်းပြည်နယ်(အရှေ့ပိုင်း) တာချီလိတ်ခရိုင်၊ မိုင်းယုမြို့နယ် ဝမ်တာကြန့်ကျေးရွာအုပ်စု၊ ကော်ဆမ်မိန်းကျေးရွာအနီး ငှက်ပျောခြံအလုပ်သမားတဲ၌ အောက်တိုဘာလ (၂၁) ရက်နေ့ နံနက် (၅) နာရီကျော်ခန့်တွင် ခြံလုပ်သားနှစ်ဦး အရက်အတူသောက်ရင်းရန်ဖြစ်ရာမှ ဓါးခုတ်မှုဖြစ်ပွားကြောင်း သိရသည်။



မိုင်းယုပြည်သူ့ဆေးရုံသို့ နံနက် (၇) နာရီကျော်ခန့်က လူနာတစ်ဦး ပြတ်ရှဒဏ်ရာများဖြင့် ရောက်ရှိလာကြောင်း အကြောင်းကြားလာသဖြင့် မိုင်းယုနယ်မြေရဲစခန်းမှ တာဝန်မှူး ရဲအုပ် စိုးမြင့်သူနှင့် တာဝန်ကျတပ်ဖွဲ့များက သွားရောက်စစ်ဆေးခဲ့ရာ ဝမ်တာကြန့်ကျေးရွာအုပ်စု၊ ကော်ဆမ်မိန်းကျေးရွာအနီး ငှက်ပျောခြံလုပ်သား အသက် (၂၅)နှစ်အရွယ် ရန်စိမ့်နှင့် အသက် (၁၇)နှစ်အရွယ် ဟူလီစန့်တို့ အရက်သောက်ရင်း စကားများရန်ဖြစ်ရာမှ ဟူလီစန့်အား ဓါးဖြင့်ခုတ်လိုက်သဖြင့် ဝဲဘက်လည်ပင်းတွင် ငါးလက်မခန့် ပြတ်ရှဒဏ်ရာတစ်ချက်နှင့် ဝဲဘက်လက်ဖျံတွင် နှစ်လက်မခန့်ဒဏ်ရာများ ရရှိခဲ့ခြင်းဖြစ်ကြောင်း သိရသည်။

အဆိုပါ ဖြစ်စဉ်နှင့်ပတ်သက်၍ မိုင်းယုနယ်မြေရဲစခန်းတွင် (ပ)၆/၂၀၁၇၊ ရာဇသတ်ကြီးပုဒ်မ-၃၂၆ ဖြင့် အမှုဖွင့်အရေးယူဆောင်ရွက်ထားကြောင်း သိရသည်။

သတင်း #ကိုနိုင်(MYu)
ဓါတ်ပုံ #ရဲတပ်ဖွဲ့
#တာချီလိတ်သတင်းအေဂျင်စီ

Post a Comment

No comments

Note: Only a member of this blog may post a comment.

Subscribe to: Post Comments ( Atom )